Loading...

La-Tour-Koenig: Lapolis Lo Lapist Enn Sofer Taxi Apre Disparisyon Christiana Chery

Kot Christiana Chery, 27 an, inn ale? Sa zen fam la pa finn donn oken signe de vie depi Zedi le 9 Fevrie. “Linn dir mwa ki li pe sorti pou 5 minit, ki li pe al l’espas ver ki trouv dan kwin ek ki li pou retourne apre sa,” so mama Marlène konfie. Lapolis inn lans enn avi de resers.

Serten personn dan l’antouraz Christiana Chery inn afirme ki zot inn trouv li dan enn loto bleu Zedi. La polis La Tour Koenig lo lapist enn sofer taxi ki ti pe kondwir enn loto parey. Tou dimounn saki ena kit informasyon lo disparisyon sa zen fam-la prie pou kontakte lapolis.

Se Dimans ki bann paran Christiana Chery inn raport so disparisyon stasyon lapolis a La Tour Koenig. Si zen fam-la, ki abit kot so bann paran avek so tifi, ena l’abitid sorti ek pa vinn lakaz pandan plizir zour, li amen so tipti tifi ansam. “Mo lans enn apel a saki krwaz li ou kone kot li kapav ete, pou dir mo tifi rant lakaz akoz so tifi pe rod li,” Marlène indike.

Loading...

Comments

comments